Tokıo-2020: Ábilhan Amanqul qarsylasyna ese jiberdi

TOKIO. QazAqparat - Tokıo Olımpıadasynda qazaqstandyq boksshy Ábilhan Amanqul (75 keli) búgin brazılııalyq Ebert Soýzamen qolǵap túıistirdi, dep habarlaıdy QazAqparat tilshisi.

Birinshi raýndta bes tóreshiniń úsheýi brazılııalyq jeńgenine qoldaý kórsetse, ekeýi qazaqstandyqqa senim kórsetti. Ekinshi raýndta tóreshilerdiń úsheýi Ábilhannyń jeńgenin kórsetti.

Aıta keteıik, Ábilhan birinshi irikteý satysyna qatysqan joq.

Jalpy qorytyndada brazılııalyq jeńiske jetti.

Ekinshi irikteý satysynda Ábilhan ózbekstandyq Fanat Kahramonovty qapy qaldyryp ketti.

Eske salsaq, bıylǵy Olımpıadaǵa erler quramasynan 8 sportshy bardy. Olardyń arasynan Ábilhannan ózge Sáken Baıbosynov (52 keli), Zakır Safıýllın (60 keli), Qamshybek Qońqabaev (91 keliden joǵary) jarysty jalǵastyrýda.

Al Serik Temirjanov (57 keli), Abylaıhan Júsipov (69 keli), Bekzat Nurdáýletov (81 keli), Vasılıı Levıt (91 keli) qarsylasyna ese jiberip qoıdy.

Qyzdarda Nadejda Rıabets (75 keli) alǵashqy kezdesýde jeńilip qaldy.

FOTO: Jeńis Ysqabaı, Qazaqstan UOK