Toqal máselesi taǵy kóterildi...
ASTANA. QazAqparat - Toqal máselesi taǵy kóterildi... - bul joly Kenııadan.
Jýyrda Afrıkanyń shyǵysyndaǵy Kenııa memleketinde el parlamenti toqal alýǵa ruqsat etetin neke zańyna túzetýler engizdi. Bul óz kezeginde áıel depýtattardyń ashý-yzasyn týdyryp, narazylyǵyna tap boldy, dep habarlady www.muslim.kz . saıty.
Toqalý alý úshin báıbisheniń kelisim alýdy qarastyratyn atalmysh zańnyń alǵashqy nusqasynyń bóriktiler basym parlamentte ótpeı qalǵany aq jaýlyqty halyq qalaýlylarynyń shamyna tıdi.
Jýnet Muhammed esimdi el eleýlisi Naırobı radıosyna bergen suhbatynda búı dedi: «Afrıkalyq áıel turmysqa shyǵatyn bolsa, ol ekinshi, úshinshi kúndesiniń bolatynyn túsinýi kerek... Óıtkeni, Bul Afrıka!».
Zańǵa túzetý engizilgennen keıin áıel depýtattardyń biri qalmaı májilis zalynan ketip qaldy. Jaı ketken joq, atalmysh zańnyń qabyldanǵanyna qarsylyqtaryn bildirip, zań mátininen túzetýdi alyp tastaý úshin barlyq múmkindikti qarastyratynyn aıtyp, doq kórsetip ketti.
Aq jaýlyqtylardyń namysyn naızalaǵan zań qoldanysqa engen joq. Ol el prezıdentiniń zańdy maquldaýyna nemese maquldamaýyna baılanysty.
