Toqaevtyń jaqtastary Mańǵystaý oblysynyń saılaýshylarymen kezdesti

AQTAÝ. QazAqparat - Prezıdenttikke kandıdat Qasym-Jomart Toqaevtyń Respýblıkalyq qoǵamdyq shtabynyń saılaýshylarmen kezdesýi Mańǵystaý oblysynda jalǵasty. Bul týraly QazAqparat qoǵamdyq shtabqa silteme jasaı otyryp habarlaıdy.

«Zhamal-ai LTD» arnaıy kıim jáne aıaq kıim óndiretin fabrıkaǵa barǵan Qasym-Jomart Toqaevtyń jaqtastary kásiporyn ujymyna kandıdattyń saılaýaldy baǵdarlamasynda kórsetilgen bıznesti qoldaý sharalary týraly aıtyp berdi.

Budan soń shtab músheleri óńir jurtshylyǵymen jáne IT mamandarmen kezdesti.

Al «QMG Injınırıng» alańynda RQSh músheleri óńirdiń munaıshylarymen kezdesip, olarǵa qaýipsiz eńbek ortasyn qurý jáne jumysshylardyń quqyǵyn qorǵaý jónindegi sharalar týraly aıtyp berdi. Sonymen qatar qalalyq ıppodromda shtab músheleriniń sport ókilderimen jáne jergilikti «Kókmoınaq» komandasynyń shabandozdarymen kezdesýi ótti.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada prezıdent saılaýy ótedi.