Toqaevtyń jaqtastary Almaty oblysyndaǵy saılaýshylarmen kezdesti

QONAEV. QazAqparat - Prezıdenttikke kandıdat Qasym-Jomart Toqaevtyń Respýblıkalyq qoǵamdyq shtabynyń músheleri Almaty oblysyndaǵy saılaýshylar birqatar kezdesýler ótkizdi.

Ótegen batyr aýylynda balalar klınıkalyq aýrýhanasynyń qyzmetkerlerimen kezdesý ótip, onyń barysynda kandıdattyń saılaýaldy baǵdarlamasynda kórsetilgen ulttyq densaýlyq saqtaý júıesin damytýdyń negizgi maqsattary talqylandy.

Budan ári RQSh músheleri Qonaev qalasyndaǵy Mádenıet úıinde Almaty oblysynyń jurtshylyǵymen kezdesti. Oǵan 200-ge jýyq adam qatysty.

Sondaı-aq, shtab músheleri óńirdegi kóp balaly analarymen kandıdattyń óskeleń urpaqty qoldaý jáne turmysy tómen otbasylardy áleýmettik qamsyzdandyrý jónindegi saılaýaldy bastamalary týraly áńgime órbidi.

Osy kúni respýblıkalyq qoǵamdyq shtab músheleri Іle aýdanynyń qurmetti azamattarymen kandıdattyń saılaýaldy baǵdarlamasyn talqylap, Qonaev qalasyndaǵy jergilikti bazarlardyń birinde jastarmen kezdesý ótkizdi.