Toqaevtyń senimdi ókilderi Shymkent jurtshylyǵymen kezdesti
Shtab músheleri aldymen qalalyq №3 emhana qyzmetkerlerimen kezdesti. Úgit-nasıhat toby Elbasy Nursultan Nazarbaevtyń el basqarýdaǵy kóregendigi, ishki turaqtylyqty saqtaı alǵan parasaty jaıly aıtty. Buǵan deıin Shymkent qalasynyń turǵyndaryna qyzmet kórsetetin emhanalar sany tym az edi. Qazir emhana, aýrýhana, qan ortalyǵy, jańa perzenthana men balalar aýrýhanasynyń sany kóbeıip, eski ǵımarattardyń qatary azaıǵan.
Sonymen qatar, respýblıkalyq qoǵamdyq shtabtyń múshesi Darhan Myńbaı men kandıdattyń senimdi ókili Erǵalı Bólegenov jergilikti shaǵyn jáne orta bıznes ókilderimen kezdesti. Olardyń aıtýynsha, táýelsizdik jyldarynda Qazaqstanda 1250 iri kásiporyn ashyldy. Onda 500-ge tarta jańa ónim óndiriledi. Sonyń nátıjesinde Qazaqstanda jasalǵan taýarlar álemniń 110 eline eksporttalyp jatyr.
Jıynda Darhan Myńbaı jınalǵan kópshilikke Qasym-Jomart Toqaevtyń saılaýaldy baǵdarlamasy týraly áńgimeledi. Al, Erǵalı Bólegenov Qasym-Jomart Toqaevtyń ishki saıasatty damytýǵa qosqan eńbegin atap ótti. Shymkent mehanıkalyq zaýytynyń dırektory Meıirbek Kóshenov jerlesterin 9 maýsym kúni saılaýǵa bir kisideı atsalysýǵa shaqyrdy.
Sondaı-aq, Shymkent qalalyq qoǵamdyq shtabynyń músheleri «Qazyǵurt» yqshamaýdany turǵyndarymen kezdesti. Jınalǵan qaýymǵa olar «Nur Otan» partııasy kandıdatynyń saılaýaldy baǵdarlamasynyń negizgi baǵyttaryn tanystyrdy. «Nur Otan» partııasynyń Shymkent qalalyq fılıaly tóraǵasynyń orynbasary Baýyrjan Qýanyshbekov Qasym-Jomart Toqaevtyń ómirbaıanyna, onyń ishki jáne syrtqy saıasattyń damýyna qosqan úlesine toqtalyp ótti.
Aıta keteıik, aldaǵy 9 maýsym kúni ótetin prezıdent saılaýyna 7 kandıdat qatysyp jatyr.
