Toqaevtyń Qyrǵyzstanǵa memlekettik sapary týraly beıne rolık jarııalandy
NUR-SULTAN. QazAqparat - Qazaqstan Prezıdenti Qasym-Jomart Toqaevtyń Qyrǵyzstanǵa jasaǵan memlekettik sapary týraly beıne rolık jarııalandy, dep habarlaıdy QazAqparat.
Vıdeony Memleket basshysynyń baspasóz hatshysy Berik Ýálı Facebook-tegi paraqshasynda jarııalady.
Eske sala ketsek, Qasym-Jomart Toqaevtyń keshe Qyrǵyz Respýblıkasyna memlekettik saparmen bardy. Áýejaıda Qazaqstan Memleket basshysyn Qyrǵyzstan Prezıdenti Sooronbaı Jeenbekov pen Qazaqstannyń Qyrǵyz Respýblıkasyndaǵy Tótenshe jáne Ókiletti Elshisi Qaırat Nurpeıisov kútip aldy.
Búdan keıin Memleket basshylary qýǵyn-súrgin qurbandarynyń monýmentine gúldestesin qoıdy. Eki el Prezıdentteri álemge áıgili jazýshy Shyńǵys Aıtmatovtyń eskertkishine baryp, gúl qoıý rásimine qatysty. Eki eldiń Prezıdentteri qyrǵyz halqynyń kórnekti jazýshysy Shyńǵys Aıtmatovtyń Mýzeı-úıine bardy.
Qazaqstan Prezıdenti Qasym-Jomart Toqaev pen Qyrǵyzstan Prezıdenti Sooronbaı Jeenbekovtiń kelissózderinen keıin eki el úkimetteri arasynda birqatar qujatqa qol qoıyldy.
Qazaqstan men Qyrǵyzstan delegatsııalarynyń arasynda ótken kelissózder qorytyndysy boıynsha Qasym-Jomart Toqaev pen Sooronbaı Jeenbekov buqaralyq aqparat quraldary úshin birlesken málimdeme jasady.
Aıta keterligi, Memleket basshysy búgin Bishkek qalasynda ótip jatqan Ujymdyq qaýipsizdik shart uıymy (UQShU) Qaýipsizdik keńesiniń sessııasyna qatysýda.
