Toqaevtyń alǵashqy Joldaýynda qandaı máseleler kóteriledi – saıasattanýshy boljamy
NUR-SULTAN. QazAqparat – QR Prezıdenti janyndaǵy «Ortalyq kommýnıkatsııalar qyzmeti» respýblıkalyq memlekettik mekemesiniń dırektory Talǵat Qalıev 2 qyrkúıek kúni Memleket basshysy Qasym-Jomart Toqaev Qazaqstan halqyna alǵashqy Joldaýynda qandaı máselelerdi kóteretindigine boljam jasady, dep habarlaıdy QazAqparat tilshisi.
Bul Joldaý eldiń ekinshi Prezıdentiniń tulǵasyn tanytýdyń kezekti kezeńi bolýymen shytyrmanǵa toly. Osy turǵydan alyp qaraǵanda, bul oqıǵa ishki, sonymen qatar syrtqy aýdıtorııa úshin qyzyǵýshylyq týyndatady. Sebebi Qasym-Jomart Toqaevtyń tanylý protsesteri naǵyz qyzǵan kezinde tur. Qazirdiń ózinde Memleket basshysynyń erekshe qupııa jasamaı, barlyq zorlyqshylarǵa jazany qatańdatýǵa nıetti ekendigimen bólisýi faktisiniń ózi qyzyqtyra túsedi. Bul jańalyqty qupııa ustaı turyp, zalda barynsha qoshemetke ıe bolýǵa da bolar edi. Degenmen, Prezıdentke poıyzdaǵy zorlaý soraqy faktisine baılanysty oqıǵaǵa beı-jaı qaramaǵan otandastarymen pikirles ekendigin bildirý mańyzdy bolǵan sııaqty. Osynaý qysqa ǵana tvıt is júzinde zorlyqqa biraýyzdan jek kórýshilikti qalyptastyrýda aıryqsha ról oınady. Qalǵany ázirshe qupııa qalyp otyr», - dep jazady T.Qalıev Telegram-da.
Sonymen qatar, ol Prezıdenttiń aldaǵy Joldaýynda áleýmettik qoldaý sharalaryna qatysty máseleler kóteriletindigine boljam jasaıdy.
«Bıýdjet qyzmetkerleriniń jalaqysyn kóterý. Tamyz keńesinde tórt jyldyń ishinde muǵalimderdiń jalaqysyn 4 ese kóterý tapsyrmasy berildi. Bul tarmaq Joldaýdada qozǵalyp, barynsha tarqatylýy múmkin. Taıaýda ótken ındýstrııalandyrý jónindegi keńeste Memleket basshysy túbegeıli máselelerdi kóterip, qazaqstandyq eksport úlesin arttyrý týraly tapsyrma berdi. Bul másele de Joldaýda barynsha keńinen qozǵalatyn shyǵar. Úkimettiń taıaýdaǵy keńeıtilgen otyrysynda Qasym-Jomart Toqaev kásipkerlik qyzmetke aralasý taqyrybyn kóterip, bıznestiń damýyna kedergi keltiretinderdiń bárin jumystan bosatatyndyǵyna ýáde berdi. Kásipkerlikti qorǵaý sharalary zańnamamen kepildendirýge tapsyrma beredi dep boljaýǵa bolady», - dedi ol.
Saıasattanýshy Memleket basshysynyń bul jolǵy Joldaýynda saıası reformalar máselesi de qozǵalatyndyǵyn atap ótedi.
«Toqaev Prezıdent bolǵannan beri ınternetke qoljetimdilikke qatysty problema ótkenniń enshisinde qaldy, beıbit jıyndar ótkizýge ruqsat berý ýádesi de saqtaldy. Ereýilder, keıde ruqsat etilgen zańdy sherýler endigi ýaqytta eshkimdi de tańǵaldyrmaıdy. Ekinshi Prezıdenttiń ymyrashyl bolýǵa nıetti ekendigi anyq baıqalady. 2 qyrkúıekte Prezıdent Qazaqstan halqyna óziniń birinshi Joldaýyn arnaıdy, al 4 kúnnen keıin Ulttyq qoǵamdyq senim keńesiniń otyrysy ótedi. Onda áleýmettik, ekonomıkalyq jáne jáne saıası úsh jumys tobynyń qurylatyndyǵy joramaldanady. ıAǵnı, Joldaý bul máselelerdiń barlyǵyn jappaıdy, damý, onyń tarmaqtaryna áleýmettik suranystardy qosý úshin dáliz qaldyrady. Bir sózben aıtqanda, bul Joldaý núktemen emes kóp núktemen aıaqtalady», - dedi Talǵat Qalıev.
Esterińizge sala ketsek, QR Prezıdenti Qasym-Jomart Toqaev 2 qyrkúıekte Qazaqstan halqyna joldaýyn jarııalaıdy.
