Toqaevty qoldaý jónindegi shtabta zııaly qaýym ókilderi bas qosty

ASTANA. QazAqparat - QR Prezıdenttigine kandıdat Qasym-Jomart Toqaevty qoldaý jónindegi Respýblıkalyq qoǵamdyq shtabta «AMANAT» partııasynyń Atqarýshy hatshysy Ashat Oralovtyń qatysýymen Qazaqstannyń ǵylymı-mádenı zııaly qaýym ókilderimen kezdesý ótti, dep habarlaıdy QazAqparat qoǵamdyq shtabqa siltememen.

Kezdesý barysynda qatysýshylar kandıdattyń saılaýaldy baǵdarlamasynyń basym baǵyttaryn talqylady. Sonymen qatar, qonaqtar kandıdattyń saılaýaldy shtabynyń jumysymen tanysyp, óz usynystary men tilekterin qaldyrdy.

Olardyń qatarynda aqyn, fılologııa ǵylymdarynyń doktory Ońaıgúl Turjanova, Astana qalasynyń balalar men jasóspirimderge arnalǵan mýzykalyq teatrynyń dırektory Ashat Maemırov, Astana qalasy Memlekettik Akademııalyq fılarmonııasynyń solısi Svetlana Aıtbaeva, QR Parlamenti Senatynyń depýtaty Dınar Nóketaeva,«Memleket tarıhy ınstıtýt» MM dırektory Erkin Ábil, Ulttyq qoljazbalar jáne sırek kitaptar ortalyǵynyń dırektory, PhD doktory Jandos Boldyqov syndy belgili mádenıet jáne ǵylym qaıratkerleri, sondaı-aq kásipker, metsenat Talǵat Dúısekov boldy.