Prezıdent Qorǵanys mınıstrligindegi jaǵdaıdy tekseretin komıssııa qurdy
ASTANA. KAZINFORM — Qazaqstannyń Qorǵanys mınıstrligindegi isterdiń jaı-kúıine, onyń ishinde áskerı qurylymdardy qarjylyq jáne materıaldyq-tehnıkalyq qamtamasyz etý máselelerine keshendi tekserý júrgizý úshin arnaıy komıssııa quryldy. Komıssııany Qazaqstan Respýblıkasy Qaýipsizdik Keńesi Tóraǵasynyń orynbasary Aıda Balaeva basqarady.
— Qazaqstan Respýblıkasynyń Qorǵanys mınıstrligindegi isterdiń jaı-kúıine, onyń ishinde áskerı qurylymdardy qarjylyq jáne materıaldyq-tehnıkalyq qamtamasyz etý salasyndaǵy jaǵdaıǵa keshendi tekserý júrgizý maqsatynda Qazaqstan Respýblıkasynyń Qorǵanys mınıstrligindegi isterdiń jaı-kúıine keshendi tekserý júrgizý jónindegi komıssııa qurylsyn, — delingen qujatta.
Komıssııa quramy:
- Balaeva Aıda Ǵalymqyzy — Qazaqstan Respýblıkasy Qaýipsizdik Keńesi Tóraǵasynyń orynbasary, Komıssııa tóraǵasy;
- Smaıylov Álıhan Ashanuly — Qazaqstan Respýblıkasy Joǵary aýdıtorlyq palatasynyń tóraǵasy, Komıssııa tóraǵasynyń orynbasary;
- Jıenbaev Erjan Nurlanuly — Qazaqstan Respýblıkasy Prezıdenti Ákimshiligi Basshysynyń orynbasary;
- Elımanov Janat Qaldybekuly — Qazaqstan Respýblıkasy Qarjylyq monıtorıng agenttiginiń tóraǵasy;
- Baımuqashev Murat Qalıbekuly — Qazaqstan Respýblıkasy Qaýipsizdik Keńesi Apparatynyń Basshysy;
- Tákıev Mádı Tókeshuly — Qazaqstan Respýblıkasynyń Qarjy mınıstri;
- Ómirálıev Jandos Jánibekuly — Qazaqstan Respýblıkasy Bas Prokýrorynyń birinshi orynbasary;
- Altynbaev Álı Saparǵalıuly — Qazaqstan Respýblıkasy Ulttyq qaýipsizdik komıteti Tóraǵasynyń birinshi orynbasary;
- Ámrın Azamat Kemeńgeruly — Qazaqstan Respýblıkasynyń Ulttyq ekonomıka birinshi vıtse-mınıstri.
Komıssııa júrgizilgen jumystyń alǵashqy nátıjeleri týraly jeti kún ishinde baıandaýǵa tıis.
Eske salaıyq, 2026 jylǵy 24 qyrkúıekte Kaspııdegi áskerı oqý-jattyǵý kezinde 9 áskerı qyzmetshi qaza tapqanyn habarlaǵanbyz. Úsh áskerı qyzmetshi qutqaryldy. Olardyń bireýi aýrýhanaǵa jatqyzyldy.
Keıinnen Kaspııde qaza bolǵan áskerı qyzmetshilerdiń sany 12-ge jetip, ekeýi izdestirilip jatqany habarlandy.
Qorǵanys mınıstrligi oqý-jattyǵý kezinde qaza tapqan áskerı qyzmetshilerdiń tizimin jarııalady.
Áskerı qyzmetshilerdiń qaza bolý faktisi boıynsha qylmystyq is qozǵalyp, tergelip jatqanyn jazdyq.
Sonymen qatar, Prezıdent Qasym-Jomart Toqaev Mańǵystaý oblysynda áskerı oqý-jattyǵý kezindegi qaıǵyly oqıǵa saldarynan qaza tapqan áskerı qyzmetshilerdiń týǵan-týystaryna kóńil aıtty.
Áskerılerdiń qazasynan keıin Aqtaýda úsh kúnge josparlanǵan merekelik sharalar ótpeıtini aıtyldy.
Búgin Kaspııde eki áskerı qyzmetshini izdeý operatsııasyna júzdegen adam jumyldyrylǵany habarlandy.
Sonymen qatar áskerı qyzmetshilerdiń qaýipsizdigine jaýapty tulǵalar kúdikke ilingeni týraly jazǵan edik.
Aıta ketelik Kaspııdegi tótenshe jaǵdaıdan keıin qutqarylǵan áskerı qyzmetshi esin jıǵan edi.
Búgin Kaspıı teńizinde joǵalǵan eki áskerı qyzmetshiniń denesi tabylyp, izdestirý operatsııasy aıaqtalǵan edi.
Sonymen qatyr Kaspııdegi áskerı qyzmetshilerdiń qazasyna baılanysty qylmystyq is eki bap boıynsha tergelip jatyr.
Qyzmetke salǵyrt qaraý jáne korabl júrgizý qaǵıdalaryn buzý boıynsha aýyr zardaptarǵa ákep soqqan qylmystyq quqyq buzýshylyqtar jasady degen kúdikpen Qazaqstan Respýblıkasy Qarýly Kúshteriniń joǵary jáne aǵa komandalyq quramyndaǵy jaýapty laýazymdy tulǵalar ustaldy.
