Toqaevtyń Qytaıǵa sapary kezinde 70-ten astam kommertsııalyq kelisimge qol qoıyldy
ASTANA. KAZINFORM — Qytaıdyń iri joǵary tehnologııalyq kompanııalarynyń basshylary qatysqan dóńgelek ústel barysynda qol qoıylǵan kommertsııalyq qujattardy almasý rásimi ótti.
Dóńgelek úsetel kezinde myna qujattarǵa qol qoıyldy:
1. Qazaqstan Respýblıkasy Jasandy ıntellekt jáne tsıfrlyq damý mınıstrligi men Huawei Technologies Co., Ltd. kompanııasy arasyndaǵy strategııalyq seriktestik týraly kelisim;
2. «Samuryq-Qazyna» AQ men Huawei Technologies kompanııasy arasyndaǵy tehnologııalyq sheshimder men jabdyqtardy satyp alý týraly kelisim;
3. «Samuryq-Qazyna» AQ, Freedom Holding kompanııasy, Astana qalasynyń ákimdigi jáne Geely Auto Group kompanııasy arasynda Qazaqstan Respýblıkasynda elektr kóligi ınfraqurylymyn damytý jáne avtomobıl salasynda jasandy ıntellektini qoldaný jónindegi ózara túsinistik týraly memorandým;
4. «Qazaqstannyń Damý Banki» AQ men China Central Depository & Clearing Co., Ltd. kompanııasy arasynda erkin saýda aımaǵynyń ofshorlyq oblıgatsııalary emıtentterine qyzmet kórsetý týraly kelisim;
5. «Qarmet» AQ, «Qazaqstannyń Damý Banki» AQ jáne Acre Coking & Refractory Engineering Consulting Corporation kompanııasy arasyndaǵy № 8 jáne № 9 kokstyq batareıalar kesheni men koks gazyn tazartý júıesin salý» ınvestıtsııalyq jobasyn iske asyrý jónindegi uzaqmerzimdi strategııalyq yntymaqtastyq týraly kelisim;
6. «Allıýr kompanııalar toby» AQ men Li Auto Inc. kompanııasy arasynda Li Auto avtokólik óndirisin júzege asyrý jobasy boıynsha ónerkásiptik yntymaqtastyq týraly kelisim;
7. Qazaqstan Respýblıkasy Kólik mınıstrligi, Mańǵystaý oblysy ákimdigi jáne Kazakhstan Guoyou Investment kompanııasy arasynda Quryq portynyń birinshi kezeginde kópfýnktsıonaldy termınal salý jobasy boıynsha ınvestıtsııalar týraly kelisim;
8. Qazaqstan Respýblıkasy Ónerkásip jáne qurylys mınıstrligi men NUCTECH Company Limited kompanııasy arasynda Qazaqstan Respýblıkasy aýmaǵynda ótkizý pýnktterin tekserý quraldarymen jabdyqtaý jáne ónerkásiptik lokalızatsııa óndirisin damytý jónindegi birlesken jobalardy iske asyrý máseleleri boıynsha yntymaqtastyq týraly kelisim;
9. Astana Group jáne Chery Holding Group arasynda Astana Motors Manufacturing Kazakhstan zaýytynda OMODA jáne JAECOO avtokólikterin óndirý jónindegi tehnıkalyq-lıtsenzııalyq kelisim;
10. Qazbot Technologies jáne Agibot PTE kompanııalary arasyndaǵy strategııalyq yntymaqtastyq týraly kelisim;
11. «Qazaqtelekom» AQ men HV & Submarine Hengtong Group kompanııasy arasyndaǵy «Data-ortalyqtar alqabyn» damytý sheńberindegi yntymaqtastyqtyń negizgi qaǵıdattary týraly kelisim;
12. Harvest Group kompanııasy men Minmetals Logistics Group Co., Ltd. kompanııasy arasynda «Qazaqstan-Qytaı halyqaralyq logıstıkalyq dálizi („Qorǵas — Shyǵys qaqpasy“ eki parki) jobasy boıynsha eksklıýzıvti yntymaqtastyq týraly kelisim;
13. „Transtelekom“ AQ men GuoDong Group kompanııasy arasynda antennalyq-dińgekti qurylystar salý týraly shart;
14. Qazaq AI Research University men Shanghai Innovation Institute arasyndaǵy yntymaqtastyq týraly memorandým;
15. Almaty qalasynyń ákimdigi, NERO Group kompanııasy jáne UBTECH Robotics kompanııasy arasynda Almaty qalasynda jasandy ıntellekt pen robot tehnıkasyn damytý salasyndaǵy yntymaqtastyq týraly kelisim;
16. Ál-Farabı atyndaǵy Qazaq ulttyq ýnıversıteti men Sýchjoý ýnıversıteti arasyndaǵy birlesken ınstıtýtty qurý týraly kelisim;
17. Ál-Farabı atyndaǵy Qazaq ulttyq ýnıversıteti men Jiangsu Huibo Robot Technology kompanııasy arasyndaǵy yntymaqtastyq týraly kelisim.
Aıta keteıik, Memleket basshysynyń Shanhaıǵa jumys sapary aıasynda jalpy quny 15 mıllıard dollardan asatyn 70-ten astam kommertsııalyq kelisimge qol qoıyldy.
Bul qujattar jasandy ıntellekt, tsıfrlandyrý, kólik ınfraqurylymy, qarjy, agroónerkásip kesheni, mashına jasaý jáne basqa da joǵary tehnologııalyq salalardy qamtıdy.
Eske salaıyq, buǵan deıin Prezıdenttiń Qytaıdyń jetekshi kompanııalary basshylarymen kezdesken jıynynda sóılegen sóziniń tolyq mátini jarııalanǵan edi.
