Toqaevtyń bastamasy amerıkalyq saıası taldaýshynyń nazaryn aýdardy
VAShINGTON. KAZINFORM — AQSh-tyń Vashıngton qalasynda ótken Beıbitshilik keńesiniń otyrysynda Qazaqstan Prezıdenti Qasym-Jomart Toqaevtyń sóılegen sózi eń iri amerıkalyq saıası kommentatorlardyń biri – Aaron Rýpardyń nazaryn aýdardy.
Rýpar vıdeojazba jarııalap, onda Memleket basshysy AQSh Prezıdenti Donald Tramp atyndaǵy arnaıy marapatty bekitýdi usynǵanyn kórsetti. Sóıleý úzindisi áleýmettik jeli X platformasynda tez tarap, sheteldik qoldanýshylar men BAQ arasynda qyzý talqylaýǵa sebep boldy.
Kazakstan leader: "I'd like to propose to establish a special President Trump award ... " pic.twitter.com/sCU0P4Kees
— Aaron Rupar (@atrupar) February 19, 2026
Aaron Rýpar – yqpaldy táýelsiz taldaýshy, onyń jarııalanymdary AQSh BAQ-tarynda jıi dáıektelip, saıası analıtıkada jıi qoldanylady.
Rýpardyń Prezıdent Qasym-Jomart Toqaevtyń málimdemesine degen qyzyǵýshylyǵy Qazaqstannyń bastamasyn keń halyqaralyq aqparat kontekstine shyǵardy jáne ony resmı dıplomatııalyq arnalardan tys qosymsha rezonansqa ıe etti.
Aıta keteıik, Prezıdent Qasym-Jomart Toqaev Beıbitshilik keńesiniń alǵashqy otyrysynda sóz sóıledi.
Toqaev Beıbitshilik keńesi kópjaqty kúsh-jigerdiń áleýetin arttyratyn, zaman talabyna saı uıym ekenin aıtty.
Memleket basshysy Prezıdent Tramp atyndaǵy arnaıy nagradany bekitýdi usyndy.
Sonymen qatar, Qazaqstan 5 jyl ishinde 500-den asa palestınalyq stýdentke bilim grantyn bóletini belgili boldy.
Beıbitshilik keńesi barysynda Gazanyń damýy men ınfraqurylymyn qalpyna keltirý jospary tanystyryldy.