Toqaevqa pılottyq joba aıasynda ornatylǵan 31 tsıfrlyq gıdrobeket tanystyryldy
ALMATY. QazAqparat – Almaty qalasyndaǵy «Aıýsaı» bógeti mańynda Prezıdent Qasym-Jomart Toqaevqa pılottyq joba aıasynda ornatylǵan 31 tsıfrlyq gıdrobeket tanystyryldy. QazAqparat bul týraly Aqordaǵa silteme jasap habarlaıdy.
Bul qondyrǵylar sýdyń jyldamdyǵyna, temperatýrasyna, laılylyǵyna jáne basqa da kórsetkishterge onlaın-rejımde monıtorıng júrgizedi. Mundaı tehnologııalar keleshekte elimizdiń jeti taýly aımaǵynda qoldanysqa engiziledi.
Gıdrobeketterdegi málimet TJM Daǵdarys jaǵdaıyn basqarý ortalyǵynyń biryńǵaı aqparattyq júıesimen ıntegratsııalanatyn barlyq ǵylymı uıym men salalyq vedomstvolarǵa qoljetimdi bolady.
Bóget týraly aqparat:
– Bógettiń bıiktigi: 41,1 m;
– Bóget qyrqasynyń uzyndyǵy: 330,2 m;
– 2,3 mln.m3 sel kóshkinin ustap qala alady;
– Bógettiń aýdany: 6,9 ga;
– Joba quny: 10,5 mlrd. teńge.
Eske salaıyq, búgin Memleket basshysy Qasym-Jomart Toqaev jumys saparymen Almatyǵa bardy.
Prezıdenttiń sapary bıyl 1 maýsymda paıdalanýǵa berilgen sel tasqynynan qorǵaıtyn bógetpen tanysýdan bastaldy.
