Toqaev jemqorlyq týraly: Ulttyq qaýipsizdikke qater tóndiredi

ATYRAÝ OBLYSY. QazAqparat - Qasym-Jomart Toqaev Atyraý oblysynyń jurtshylyǵymen kezdesý barysynda óńirdegi jemqorlyqpen kúres týraly aıtty, dep habarlaıdy QazAqparat Prezıdenttiń baspasóz hatshysy Berik Ýálıge silteme jasap.

«Oblysta jemqorlyqqa qarsy kúres saıasatyn kúsheıtý kerek. Jemqorlyqty joıý barlyq deńgeıdegi ákimder jumysynyń negizgi kórsetkishi bolady. Ákimderge jeke jaýapkershilik júkteledi», - dedi Memleket basshysy.

Prezıdent el ekonomıkasynyń damýy men halyqtyń ál-aýqatynyń artýy jemqorlyqpen kúrestiń naqty nátıjelerine tikeleı baılanysty ekenin atady.

«Bul qoǵamdyq kesel ulttyq qaýipsizdikke qater tóndiredi. Alaıda bul maqsatqa jetý úshin tek jazalaý sharalary jetkiliksiz. Muny álemdik tájirıbe dáleldedi. Sondyqtan qoǵamdyq baqylaýdy kúsheıtý qajet. Azamattar qoǵamdyq ómirge belsene aralasýy kerek», - degen Memleket basshysy.

Eske sala ketsek, keshe Qasym-Jomart Toqaev Atyraý oblysyna jumys saparymen kelgendigi týraly habarlaǵan bolatynbyz.