Toqaev jastarmen ústel tennısin oınady
ORAL. QazAqparat - QR Prezıdenti Qasym-Jomart Toqaev Batys Qazaqstan oblysyna sapary barysynda jastarmen ústel tennısin oınady, dep habarlaıdy QazAqparat Prezıdenttiń baspasóz hatshysy Berik Ýálıge silteme jasap.
Berik Ýálı Facebook-tegi paraqshasynda «Sport sheberinen sheberlik sabaǵy» degen taqyryppen vıdeo jarııalady.
Eske sala ketsek, QR Prezıdenti Qasym-Jomart Toqaev Oral qalasyndaǵy Oqýshylar jáne jastar saraıynda Batys Qazaqstan oblysynyń jurtshylyǵymen kezdesti. Jıynda Memleket basshysy óńirdegi áleýmettik nysandar men turǵyn úı qurylystarynyń qarqynyn arttyrýdy tapsyrdy.
«Sheteldik ınvestıtsııa esebinen eki birdeı alys aýdannyń ortalyǵyna dene shynyqtyrý jáne saýyqtyrý keshenin salý jumystary bastaldy. Bul - óte jaqsy kórsetkish. Ákimdikke Jastar jyly aıasynda barlyq aýdandardy osyndaı dene shynyqtyrý keshenderimen qamtamasyz etýdi tapsyramyn», - dedi Qasym-Jomart Toqaev.
