Toqaev Jasandy ıntellektini damytý ádebi jónindegi dinaralyq komıssııa qurýdy usyndy
ASTANA. KAZINFORM — Jasandy ıntellektini damytý ádebi jónindegi dinaralyq komıssııa qurý qajet. Bul týraly Álemdik jáne dástúrli dinder kóshbasshylary VIII Seziniń jalpy otyrysynda Memleket basshysy Qasym-Jomart Toqaev aıtty.
— Biz jasandy ıntellekt damýynan elderdiń qarqyndy progresi úshin jaqsy múmkindikter kórip otyrmyz. Degenmen, ádep normalaryn saqtaýdyń aıryqsha mańyzdy ekenin jaqsy túsinemiz. Sondyqtan bul saladaǵy jan-jaqty yntymaqtastyqqa ashyqpyz. Jasandy ıntellektini damytý ádebi jónindegi dinaralyq komıssııa qurýdy usynamyn, — dedi Qasym-Jomart Toqaev.
Memleket basshysynyń paıymynsha, atalǵan komıssııa neırojeliler men ózge de serpindi tehnologııalardy jaýapkershilikpen paıdalanýdyń ámbebap qaǵıdattary jınaǵyn ázirleýmen aınalysar edi.
— Sóz adam qadir-qasıetine qurmet kórsetý, kemsitýshilikke jol bermeý, taǵdyrsheshti sıpatqa ıe sheshimderge baqylaý jasaý degendi bildiretin algorıtmderge arnalǵan ózindik ósıetter jaıynda bolyp otyr, — dedi Prezıdent.
Astanada Álemdik dinder kóshbasshylarynyń sezi ótip jatyr.
Іs-shara barysynda Qasym-Jomart Toqaev din basshylaryn beıbitshilik elshileri dep atady.