Toqaev: Jańa táýekelder men qaýipterge den qoıý úshin aldyn alý sharalaryn jedel ázirleý qajet

ASTANA. QazAqparat – Táýelsiz Memleketter Dostastyǵy qaýipsizdik salasyndaǵy tujyrymdamalyq qujattardy qabyldady. Endi jańa táýekelder men qaýipterge den qoıý úshin aldyn alý sharalaryn jedel ázirleýimiz qajet. Bul týraly TMD elderi basshylary keńesiniń shaǵyn quramdaǵy otyrysynda Prezıdent Qasym-Jomart Toqaev aıtty, dep habarlaıdy QazAqparat tilshisi.

«Osy jaǵdaılarda geostrategııalyq shıelenister bizden ózara senimdi nyǵaıtý, óńirdegi turaqtylyqty, qaýipsizdikti qamtamasyz etý úshin odan da kóp kúsh-jigerdi talap etedi. Aıta ketý kerek, TMD-da kúshtik jáne quqyq qorǵaý organdarynyń ózara is-qımylynyń teńdestirilgen júıesi quryldy. Qaýipsizdik salasyndaǵy tujyrymdamalyq qujattar qabyldandy. Sonymen qatar, biz jańa táýekelder men qaýipterge den qoıý úshin aldyn alý sharalaryn jedel ázirleýimiz qajet», - dedi Memleket basshysy.

Qasym-Jomart Toqaev Qazaqstan terrorızm men ekstremızmge qarsy kúrestegi yntymaqtastyqtyń uıymdyq-quqyqtyq tetikterin jetildirý boıynsha TMD memleketteriniń birlesken tásilderimen bólisetindigin aıtty.

«Biz búgin qabyldanatyn ekstremızmge qarsy kúres baǵdarlamasynyń mindetterin iske asyrý boıynsha tyǵyz úılestirilgen jumysqa daıyndyǵymyzdy bildiremiz», - dedi QR Prezıdenti.

Foto: t.me/bort_01