Toqaev: Jalǵan aqparat taratý – azamattarymyzdyń densaýlyǵyna nuqsan keltiretin áreket
NUR-SULTAN. QazAqparat - Karantın talaptarynan bir sátte bas tartsaq, dertti qaıtadan órshitip alamyz. Bul týraly QR Prezıdenti Qasym-Jomart Toqaevtyń málimdemesinde aıtylǵan, dep habarlaıdy QazAqparat tilshisi.
«Koronavırýsqa jeńil-jelpi qaraýǵa bolmaıdy. Karantın talaptarynan bir sátte bas tartsaq, dertti qaıtadan órshitip alamyz. Koronavırýs – adamnyń densaýlyǵyna qater tóndiretin óte juqpaly indet», - dedi Qasym-Jomart Toqaev.
Qazaqstan Prezıdenti muny búkil álem moıyndap otyrǵandyǵyna basa nazar aýdartady.
«Al, ony joqqa shyǵaryp, jurtqa jalǵan aqparat taratýdyń arty jaqsylyqqa aparmaıtyny belgili. Bul – azamattarymyzdyń densaýlyǵyna nuqsan keltiretin áreket», - dedi Memleket basshysy.
