Toqaev Vetnam Prezıdentine quttyqtaý jedelhatyn joldady
ASTANA. KAZINFORM — Qasym-Jomart Toqaev Vetnam Kommýnıstik partııasy Ortalyq komıtetiniń Bas hatshysy, Vetnam Sotsıalıstik Respýblıkasynyń Prezıdenti To Lam men onyń otandastaryn Táýelsizdik kúnimen quttyqtady.
Aqordanyń habarlaýynsha, Prezıdent bul merekeni Vetnam halqynyń birligi men jasampaz rýhynyń, sondaı-aq eldiń turaqty damýy men órkendeý jolyndaǵy umtylysynyń jarqyn nyshany retinde atap ótken.
Sonymen qatar birlesken kúsh-jigerdiń arqasynda strategııalyq seriktestik qos halyqtyń ıgiligi jolynda qarqyndy damı beretinine senim bildirdi.
Qasym-Jomart Toqaev To Lamnyń jaýapty qyzmetine tolaıym tabys, al Vetnam halqyna qut-bereke tiledi.
Eske salaıyq, buǵan deıin Prezıdent Qasym-Jomart Toqaev Maııa Sandý men Moldova halqyn Táýelsizdiktiń 35 jyldyǵymen quttyqtaǵan edi.
