Toqaev ÝzA agenttiginiń qazaqsha aqparat taratýyna qatysty pikir bildirdi
NUR-SULTAN. QazAqparat - QR Prezıdenti Qasym-Jomart Toqaev ÝzA agenttiginiń qazaq tilinde aqparat taratýyna qatysty pikir bildirdi, dep habarlaıdy QazAqparat.
«Ózbekstandaǵy Qazaqstan jylynyń jarııalanýyna baılanysty ÝzA ulttyq agenttigi qazaq tilinde aqparat tarata bastapty. Bul baýyrlas elder arasyndaǵy dostyq qarym-qatynasty jańa deńgeıge kótergen Elbasymyz N.Nazarbaev pen Ózbekstan Prezıdenti Sh.Mırzıeevtiń arqasy», dep jazdy QR Prezıdenti Týıtterdegi paraqshasynda.
Eske sala ketsek, buǵan deıin Ózbekstannyń resmı aqparattyq agenttigi tuńǵysh ret qazaq tilindegi nusqasyn iske qosqanyn habarlaǵan bolatynbyz.
