Toqaev: Únemi ózin jetildire bilgen adam mindetti túrde tabysqa jetedi
ASTANA. KAZINFORM – Memleket basshysy Qasym-Jomart Toqaev básekege qabiletti ulttyń negizgi kórsetkishin atady.
- Ár azamat myna bir qarapaıym qaǵıdany tereń uǵynýǵa tıis: bir orynda turyp qalmaı, únemi ózin jetildire bilgen adam mindetti túrde tabysqa jetedi. Básekege qabiletti ult degenimiz – osy. Biz qolǵa alǵan reformalar eldiń damýyna zor serpin berdi. Qoǵamnyń ózgeristerge degen úmitin oıatyp, ádildikke degen senimdi qalpyna keltirdi, - dedi Qasym-Jomart Toqaev Býrabaıda ótken ulttyq quryltaıda.
Sondaı-aq Prezıdent ulttyq qundylyqtarǵa qatysty bet-júzdi tumshalaıtyn qara kıimnen góri ózimizdiń ulttyq kıimderimiz áldeqaıda artyq ekenin aıtty.
Odan bólek Qasym-Jomart Toqaev el óńirlerinde ótetin túrli mádenı-týrıstik is-sharalardy brend retinde qalyptastyrýdy júktedi.
Sonymen qatar ulttyq quryltaıda jyl sońyna deıin elimizde 188 medıtsına nysany salynatyny belgili boldy.