Toqaev Úkimetke ınvestıtsııalyq tartymdylyqty arttyrýdy tapsyrdy

NUR-SULTAN. QazAqparat - Úkimetke ındýstrııa jáne jer qoınaýyn ıgerý salalarynyń ınvestıtsııalyq tartymdylyǵyn arttyrýdy tapsyramyn dedi QR Prezıdenti Joldaýynda.

«Úkimetke ındýstrııa jáne jer qoınaýyn ıgerý salalarynyń ınvestıtsııalyq tartymdylyǵyn arttyrýdy tapsyramyn. Byltyr meniń tapsyrmam boıynsha barlyq arnaıy ekonomıkalyq aımaqtyń tıimdiligi baǵalandy.

Sonyń nátıjesinde túıtkildi tustardy anyqtap, tyń tásilderdi oılastyrdyq.

Endi arnaıy ekonomıkalyq aımaqtardy damytý úshin múlde basqa saıasatqa kóshken jón.

Qazirgi tańda shetel kompanııalary Qazaqstanǵa kóshe bastady. Sondyqtan, bul másele tipti ózekti bolyp otyr», - dedi QR Prezıdenti.

Foto: primeminister.kz