Toqaev Úkimetke ǵylymdy ınstıtýttyq damytý tujyrymdasyn ázirleýdi tapsyrdy

NUR-SULTAN. QazAqparat - Ǵylymdy munan ary ınstıtýttyq damytý tujyrymdasyn ázirleý qajet. Bul týraly búgin Tamyz konferentsııasynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Ǵylymdy qarjylandyrý ashyqtyǵyn qamtamasyz etý qajet. Ótken konkýrstardyń qorytyndysy boıynsha granttyq qarjylandyrýdy bólý ulttyq ǵylymı keńesterdiń jumysyn jetildirý jáne tolyqtaı alǵanda ǵylymdy qarjylandyrý ashyqtyǵyn qamtamasyz etý qajettigin kórsetti», - dedi Memleket basshysy.

Qazaqstan Prezıdenti ótinimderdi irikteý protsedýrasy da qolaısyz úlkendigimen jáne jabyqtyǵymen synǵa ushyrap otyrǵanyn aıtty.

«Ǵylymı ortada qarjylandyrý júıesine senimsizdik, sonymen qatar egde jáne jas ǵalymdar arasynda belgili bir jiktelý baıqalady. Sondyqtan Úkimetke naqty tájirıbelik usynystarmen ǵylymdy munan ary ınstıtýttyq damytý tujyrymdasyn ázirleýdi tapsyramyn», - dedi Q.Toqaev.