Toqaev Túrkııadaǵy zilzalaǵa qatysty: Qutqarýshylardy jiberip, apat saldaryn joıýǵa atsalysamyz

ANKARA. QazAqparat – Qazaqstan Túrkııaǵa qutqarýshylardy jiberip, apat saldaryn joıýǵa belsene atsalysady. Bul týraly QR Prezıdenti Qasym-Jomart Toqaev búgin Ankarada ótip jatqan Túrki memleketteri uıymynyń «Apat jáne tótenshe jaǵdaılar menedjmenti, gýmanıtarlyq kómek» atty kezekten tys sammıtinde aıtty, dep habarlaıdy QazAqparat.

«Búgingi basqosýdyń «Apat jáne tótenshe jaǵdaılar menedjmenti, gýmanıtarlyq kómek» degen taqyrypta ótýi beker emes. Qazir jer júzinde tabıǵı jáne tehnogendik apattar kóbeıip jatyr. Bul jaǵdaı óte ózekti halyqaralyq máseleniń birine aınaldy.

Osyndaı kúrdeli kezeńde Qazaqstan gýmanıtarlyq sharalardan shet qalǵan emes. Elimiz tabıǵı apattan zardap shekken elderge únemi qoldaý kórsetedi», - dedi Prezıdent.

Sondaı-aq Q.Toqaev qazaqstandyq qutqarýshylar Túrkııa eline zilzala saldaryn joıýǵa kómektesetinin atap ótti.

«Biz qarjylaı jáne taýar túrinde gýmanıtarlyq kómek berýmen ǵana shektelip qalmaımyz. Budan bólek, qutqarýshylardy jiberip, apat saldaryn joıýǵa belsene atsalysamyz.
Jalpy, túrki elderi tótenshe jaǵdaı kezinde tıimdi áreket ete bilýi kerek. Sondaı-aq, Uıym hatshylyǵy jáne múshe memleketter arasyndaǵy baılanystardy nyǵaıta túsý qajet»