Toqaev: Tereń bilimin ozyq tájirıbemen ushtastyra bilgen azamattar eldi alǵa jeteleıdi
«Qazaq «Jaqsynyń jaqsylyǵyn aıt nury tasysyn» dep, dara tulǵalarynyń mereıin asyrǵan. Búgingi beles sizderdi jańa bıikterge bastaıdy dep senemin. Shyn máninde, elimizde óz kásibiniń maıtalmany atanǵan jastar az emes. Ortamyzda medıtsına, bilim-ǵylym, ekologııa, IT tehnologııasy jáne basqa da salalardyń ókilderi otyr. Qazirgi kúrdeli kezeńde bul mamandyqtardyń qaı-qaısysy da aıryqsha mańyzdy. Tereń bilimin ozyq tájirıbemen ushtastyra bilgen azamattar elimizdi alǵa jeteleıdi. Osy oraıda, táýelsizdik kezeńinde ósip jetilgen býynnyń qarym-qabiletin joǵary baǵalaımyn. Bilimdi ári sanaly urpaq tárbıeleý – bul asa mańyzdy memlekettik mindet. Elimizdiń bolashaǵy daryndy, otanshyl jastardyń qolynda bolýy kerek. Solaı bolaryna kámil senemin. Osy strategııalyq maqsatqa qol jetkizý úshin júıeli reformalardy mindetti túrde jalǵastyramyz»,-dedi Prezıdent Qasym-Jomart Toqaev.
