Toqaev: Táýelsizdigimizdi qorǵaý - árbir Qazaqstan azamatynyń abyroıly mindeti
«30 jyl ishinde biz Elbasynyń sarabdal saıasatynyń arqasynda bedeldi, áleýeti mol memleket qurdyq. Jetistikterimiz az emes. Muny búkil álem moıyndap otyr. Degenmen aldymyzda aýqymdy mindetter men bıik maqsattar tur. Onyń barlyǵyna josparly túrde qol jetkize beremiz. Men aıtqanymdaı, kelesi jyly Táýelsizdigimizdiń 30 jyldyǵyn atap ótemiz. Táýelsizdiktiń urpaǵy - Otanymyzdyń erteńi, elimizdiń odan ári damýynyń qozǵaýshy kúshi – solar. Táýelsizdiktiń 30 jyldyǵy - egenmendiktiń bizge bergen ıgiligin saralaý jáne qundylyǵyn baǵalaý múmkindigi. Biz barlyq tabysqa azattyqtyń arqasynda qol jetkizdik. Táýelsizdik - eń asyl, eń qymbat, eń kıeli qundylyǵymyz!», - dedi Prezıdent.
Memleket basshysy qazirgideı almaǵaıyp kezeńde memleketter men ulttar álsirep, egenmendiginen de ońaı aıyrylyp qalýy múmkin ekenin aıtty.
«Buǵan keshegi tarıh pen búgingi álem bederinde mysaldar jetkilikti. Otanymyzdyń ósip-órkendeýi úshin qasterli Táýelsizdigimizdi qorǵaý jáne nyǵaıtý - árbir Qazaqstan azamatynyń jáne barlyq saıası kúshterdiń abyroıly mindeti», - dedi Qasym-Jomart Toqaev.
