Toqaev tasqyn kezinde qazaqstandyqtarǵa kómek bergen Doosan Group basshysymen kezdesti
ASTANA. KAZINFORM — Memleket basshysy Doosan Group kompanııasynyń tóraǵasy Chjeong Von Pak pen Doosan Enerbility basqarma tóraǵasynyń orynbasary En In Chongti qabyldady.
Kezdesý basynda Prezıdent sý tasqyny kezinde elimizge kórsetken kómegi úshin koreı kompanııasyna alǵys bildirdi.
Memleket basshysynyń aıtýynsha, osyndaı qıyn-qystaý jaǵdaıda kásipkerlerdiń halyqty qoldaýy olardyń áleýmettik jaýapkershilik deńgeıi joǵary ekenin kórsetti.
Qasym-Jomart Toqaevqa Túrkistan oblysynda qýaty 1 GVt bolatyn bý-gaz elektr stantsııasyn salý jobasynyń júzege asyrylý barysy, sondaı-aq kompanııanyń Atyraý oblysynda «Qarabatan» gaz týrbınaly elektr stantsııasyn keńeıtýge qatysý perspektıvalary týraly málimet berildi.
Doosan Enerbility kompanııasy Doosan Group quramyna kiredi.
Bul kásiporyn atom elektr stantsııalaryn salýǵa, jylý elektr stantsııalaryn, týrbınalar men generatorlar, sý tushytatyn qondyrǵylar óndirýge mamandanǵan.
Kompanııada 5 myńnan astam qyzmetker jumys isteıdi.
2023 jyly ónim satý kólemi 17,5 mıllıard dollardy qurady.
