Toqaev sybaılas jemqorlyqpen qalaı kúresetinin aıtty
"Sybaılas jemqorlyq - óte kúrdeli qubylys. Bylaı aıtqanda dert dep te aıtýǵa bolady. Batpandap kiretin, mysqaldap shyǵatyn kesel. Sondyqtan bul dertpen mindetti túrde bárimiz qoǵam bop kúresýimiz kerek. Áıtpese kesh bolyp qalýy múmkin. Sybaılas jemqorlyqtyń kesirinen alyp memleketter, iri memleketter qulaǵanyn bárimiz bilemiz, kýá boldyq", - dedi Memleket basshysy.
Qazaqstan Prezıdenti sybaılas jemqorlyq árbir memlekette, sonyń ishinde damyǵan memleketterde de bar ekenin atap ótti.
"Biz sybaılas jemqorlyq týraly ashyq túrde aıtamyz. Bizde sybaılas jemqorlyq - óte úlken problema, qubylys - bizdiń qaýipsizdigimizge syn-qater. Sondyqtan meniń mindetim - sybaılas jemqorlyqpen kúresý. Jaqynda, mamyr aıynda osy máselege arnalǵan úlken jınalys boldy. Keshendi is-sharalardy qoldanamyz dep oılaımyn. Bul jóninen halyqqa esep beremiz", - dedi Qasym-Jomart Toqaev.