Toqaev: Sýdıalar qalyptasqan oılaý júıesin ózgertip otyrýy qajet
«Sot júıesin reformalaý salasynda aıtarlyqtaı ilgerileý bolýy úshin eń aldymen sýdıalardyń kásibıligine, ádil sot pen sot isin basqarýdyń sapasyna negizdelgen túbegeıli jańa tásilderge bet burýymyz kerek. Sondyqtan biz mynadaı basym baǵyttarǵa erekshe máne berýmiz qajet. Birinshi - adam quqyqtary jáne zańnyń ústemdiligi. Álemdegi alpaýyt elderdiń turaqty damýy adam quqyqtaryn qorǵaý jáne zańnyń ústemdik etý máselesine tikeleı baılanysty. Sýdıalar korpýsy ózderiniń kúndelikti jumysynda osy ustanymdar men qundylyqtardy basshylyqqa alýǵa tıis», - dedi Qasym-Jomart Toqaev.
Prezıdent sýıalarymyz adam quqyqtarynyń múltiksiz saqtalýyn basty nazarda ustaýy kerektigin aıryqsha atap ótti.
«Elimizdiń sýdıalary udaıy túrde kásibı biliktilikterin arttyryp, jumys tásilderin jetildirip, qalyptasqan oılaý júıesin ózgertip otyrýy qajet. Bul úshin sot salasyndaǵy ózekti halyqaralyq úderisterdi eskerip, sýdıalardyń halyqaralyq qaýymdastyǵymen tyǵyz baılanys ornatý mańyzdy», - dedi Memleket basshysy.