Toqaev Sot tóreligi týraly erejege ózgerister engizýge qatysty qujatqa qol qoıdy
ASTANA. KAZINFORM – Memleket basshysy Qasym-Jomart Toqaev «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýtsııalyq zańynda kózdelgen erejelerdi bekitý týraly» 2021 jyldyń 26 maýsymyndaǵy №643 QR Prezıdenti Jarǵysyna ózgertýler týraly» Jarlyqqa qol qoıdy.
Qujat Sot tóreligi týraly erejege ózgerister engizedi. Atap aıtqanda, qazylar alqasynyń quramy naqtylandy: endi onyń quramyna ártúrli ınstantsııadan 13 sýdıa, sondaı-aq keńesshi daýysy quqyǵy bar zań qoǵamdastyǵynyń eki ókili kiredi.
«Zańdylyqtyń óreskel buzylýy» túsinigine anyqtama berilgen. Bul sýdıanyń teris nıet nemese nemquraılylyq saldarynan zańnyń anyq jáne eleýli túrde buzýyn bildiredi.
Sýdıalardy tártiptik jaýapkershilikke tartý rásimderi, sondaı-aq joǵary turǵan sottardyń usynystaryn qaraý tártibi egjeı-tegjeıli kórsetilgen. 20-tarmaq alynyp tastaldy, al 21-1 jáne 21-2-tarmaqtary jańa redaktsııada jazyldy.
Azamattardyń, zańdy tulǵalardyń ótinishteri nemese buqaralyq aqparat quraldary men onlaın-platformalardan aqparat túsken jaǵdaıda sýdıalarǵa tekserý júrgizý qaǵıdalary jańartyldy. Tekserýler júrgizýge jáne ótinish berýshilerdi keıinnen habardar etýge jaýapty naqty ınstantsııalar belgilendi.
Sondaı-aq tártiptik jazalardy merziminen buryn alyp tastaý jáne Sot tóreliginiń sheshimderin tıisti sot organdaryna joldaý tártibi týraly erejeler jańa redaktsııada jazyldy.
Jarlyq 2025 jyldyń 1 shildesine kúshine enedi jáne resmı jarııalanýy tıis.
Osyǵan deıin Prezıdent sot aktilerin májbúrlep oryndatý boıynsha aqparat almasý týraly Jarlyqqa qol qoıǵany týraly jazdyq.