Toqaev Sitigroup qarjy ınstıtýtynyń Qazaqstandaǵy qyzmetiniń perspektıvasyn talqylady

ASTANA. QazAqparat - QR Prezıdenti Qasym-Jomart Toqaev Sitigroup kompanııasynyń Eýropa, Taıaý Shyǵys jáne Afrıka boıynsha bas atqarýshy dırektory Devıd Lıvıngstondy qabyldady. QazAqparat bul týraly Aqordaǵa silteme jasap habarlaıdy.

Kezdesý barysynda halyqaralyq qarjy ınstıtýtynyń elimizdegi qyzmetiniń perspektıvalary talqylandy.

Prezıdent elimizdiń qarjy sektoryndaǵy tsıfrlyq transformatsııany damytý isindegi kompanııa basshysynyń kúsh-jigerin joǵary baǵalady.

Devıd Lıvıngston Memleket basshysyna byltyr Sitibank Kazakhstan Astana halyqaralyq bırjasynyń Qundy qaǵazdar ortalyq depozıtarııine (AIX CSD) múshe bolǵanyn jetkizdi.

Onyń aıtýynsha, bul halyqaralyq ınstıtýttyq ınvestorlarǵa óz aktıvterin AIX depozıtarııinde saqtaýǵa múmkindik beredi.