Toqaev: Silk Way Star sheteldegi elimizdiń eń tanymal ári bedeldi medıajobalarynyń birine aınaldy
ASTANA. KAZINFORM — Silk Way Star mýzykalyq baıqaýy sheteldegi elimizdiń eń tanymal ári bedeldi medıajobalarynyń birine aınaldy. Bul týraly Aqordada mádenıet jáne óner qyzmetkerlerin marapattaý rásiminde Memleket basshysy Qasym-Jomart Toqaev aıtty.
— Elimizdiń mádenıeti jahandyq deńgeıde laıyqty túrde tanystyrylyp keledi. Halyqqa keńinen tanylǵan, moıyndalǵan ári súıikti mýzykanttarymyz, ánshilerimiz, akterlerimiz, sýretshilerimiz, bı óneriniń sheberleri men kreatıvti ındýstrııa ókilderi jańa qazaq mádenı tolqynynyń aıqyn sımvolyna aınaldy. Zamanaýı mádenı dıplomatııanyń úlgisi retinde Silk Way Star halyqaralyq mýzykalyq baıqaýy moıyndaldy. Bul joba sheteldegi elimizdiń eń tanymal ári bedeldi medıajobalarynyń birine aınaldy. Qazaqstan halyqaralyq uıymdarmen yntymaqtastyqty aıtarlyqtaı kúsheıtip, aýqymdy mádenı-aǵartýshylyq jobalardy belsendi túrde júzege asyryp, ǵylymı bastamalar kóterip keledi. Bul — san qyrly qazaq mádenıetiniń tanymaldyǵyn arttyrý baǵytyndaǵy jumystyń durys ári mańyzdy baǵyty, — dedi Qasym-Jomart Toqaev.
Memleket basshysy búgingi kezdesýdiń mańyzdy data qarsańynda ótip jatqany da sımvoldyq mánge ıe ekenin atap ótti. 1992 jylǵy 22 mamyrda Qazaqstan bedeldi halyqaralyq uıym — ıÝNESKO-nyń tolyqqandy múshesi atanǵanyn eske aldy.
— Aıtpaqshy, men sizderge bir jaıtty aıtqym keledi. Osydan týra 34 jyl buryn, 22 mamyrda sizderdiń Prezıdentterińiz mınıstrdiń orynbasary laýazymynda Parıjdegi ıÝNESKO-nyń shtab-páterine baryp, uıymnyń sol kezdegi bas dırektory Federıko Maıormen birge osy tarıhı oqıǵaǵa qatysty qujatqa qol qoıǵan bolatyn. Osy jyldar ishinde ıÝNESKO tizimine elimizdiń materıaldyq jáne materıaldyq emes muralaryna jatatyn jıyrmaǵa jýyq nysan endi. Olardyń qatarynda Túrkistandaǵy Qoja Ahmet ıAsaýı kesenesi de bar. Bul tizim munan ary da keńeıe beredi, — dedi Prezıdent.
Buǵan deıin Prezıdent dástúrli ónerdi dáriptep júrgen ónerpazdarǵa «Asyl mura» ulttyq syılyǵyn taǵaıyndaıtynyn marla.
