Toqaev shtabynyń ókilderi qazaqstandyq paralımpıadashylarmen kezdesti

TALDYQORǴAN. QazAqparat - Prezıdenttikke kandıdat Qasym-Jomart Toqaevtyń Almaty oblystyq qoǵamdyq shtabynyń ókilderi qazaqstandyq paralımpıadashylarmen kezdesti. Bul týraly úmitkerdiń qoǵamdyq shtabynyń baspasóz qyzmeti málim etti.

Sharaǵa «Nur Otan» partııasy Almaty oblystyq fılıaly tóraǵasynyń orynbasary Ǵalıasqar Sarybaev, sondaı-aq prezıdenttikke kandıdat Qasym-Jomart Toqaevtyń senimdi ókilderi Aıan Aıtjanov, Ermek Kelemseıit jáne Amanǵazy Shegirov qatysty.

Sportshylar aldynda sóz alǵan «Nur Otan» partııasy oblystyq fılıaly tóraǵasynyń orynbasary Ǵalıasqar Sarybaev úmitkerdiń ómirbaıany men eńbek jolyna toqtaldy. Ol sondaı-aq Qasym-Jomart Kemelulynyń saılaýaldy tuǵyrnamasyn tanystyryp, ony jan-jaqty taldap berdi.

Jıynda Qazaqstannyń birneshe dúrkin chempıony, paýerlıftıngten Halyqaralyq dárejedegi sport sheberi Lázzat Sálimjanova, paýerlıftıngten Qazaqstan Kýboginiń qola júldegeri, el birinshiliginiń altyn medal ıegeri Arlan Ataıbekovter sóz alyp, memleket tarapynan paralımpıadashylarǵa qoldaý kórsetilip jatqanyn aıtty.

Ózge de birqatar sportshylar Tuńǵysh Prezıdenttiń sarabdal saıasatynyń arqasynda el ekonomıkasy qarqyndy damyǵanyn, áleýmettik salaǵa erekshe nazar aýdarylyp jatqanyn atap ótti.