Toqaev shtaby Nur-Sultan qalasyndaǵy saılaýshylarmen kezdesti

NUR-SULTAN. QazAqparat - Prezıdenttikke kandıdat Qasym-Jomart Toqaevtyń qalalyq qoǵamdyq shtab ókilderi Nur-Sultan qalasyndaǵy saılaýshylarmen kezdesti, dep habarlaıdy kandıdattyń baspasóz qyzmeti.

Kandıdattyń saılaýaldy baǵdarlamasynda negizdelgen basty qaǵıdattar - sabaqtastyq, ádildik pen ilgerileý týraly elordalyq shtab múshesi, «Astana-Qamqor» kompanııasynyń dırektory Tımýr Orazaqov «EKOTON+» AQ qyzmetkerlerimen kezdesý barysynda sóz etti. Senimdi ókilder sondaı-aq, kezdesýge jınalǵandardy Qasym-Jomart Toqaevtyń eńbek jolynyń mańyzdy kezeńderimen tanystyrdy.

Odan basqa, kezdesýge jınalǵandar saılaýaldy baǵdarlamanyń barlyq qaǵıdalarymen tanysty, el ómiriniń barlyq salasynda kútiletin ózgerister týraly aıtty. Óz kezeginde zaýyt jumysshylary da kandıdatty qoldap, sóz sóıledi.

Sondaı-aq, úgit-nasıhat naýqany sheńberinde senimdi ókilder Ulttyq murajaı qyzmetkerlerimen de kezdesti. Olar kandıdattyń saılaýaldy baǵdarlamasyn tanystyryp, úmitkerdiń bıografııasyna basymdyq berdi.

Kezdesý sońynda senimdi ókilder barsha qaýymdy aldaǵy saılaýǵa úlken jaýapkershilikpen qaraýǵa shaqyrdy jáne daýys bere otyryp, ár azamat el taǵdyryn tańdaıtynyn eske saldy.