Qasym-Jomart Toqaev Shanhaıǵa jumys saparymen bardy
ASTANA. KAZINFORM — Prezıdent Qasym-Jomart Toqaev QHR Tóraǵasy Sı Tszınpınniń shaqyrýymen Shanhaıǵa jumys saparymen bardy.
Aqordanyń baspasóz qyzmetiniń habarlaýynsha, erteń Memleket basshysy Qasym-Jomart Toqaev Qytaı Halyq Respýblıkasynyń Tóraǵasy Sı Tszınpınmen kelissóz júrgizedi.
Budan bólek, qytaı kompanııalarynyń jetekshilerimen dóńgelek ústel ótedi.
17 shilde kúni Prezıdent Dúnıejúzilik jasandy ıntellekt konferentsııasyna (WAIC) qatysady. Jıyn «Jarqyn bolashaq úshin jasandy ıntellekt salasyndaǵy seriktestik» taqyrybyna arnalyp otyr.
Eske salaıyq, buǵan deıin Qasym-Jomart Toqaev Qatar Ámiri sheıh Támım ben Hamad Ál Tánıge jáne onyń áýletine Ámir-Áke sheıh Hamad ben Halıfa Ál Tánıdiń dúnıeden ozýyna baılanysty kóńil aıtý úshin Dohaǵa barǵan edi.
