Qasym-Jomart Toqaev Serdar Berdimuhamedovti týǵan kúnimen quttyqtady
ASTANA. KAZINFORM — Memleket basshysy týǵan kúnine oraı Serdar Berdimuhamedovke quttyqtaý jedelhatyn joldady. Bul týraly Aqordanyń baspasóz qyzmeti málim etti.
Qasym-Jomart Toqaev Prezıdent Serdar Berdimuhamedovtiń basshylyǵymen Túrikmenstan damýdyń dańǵyl jolyna túsip, memlekettilikti nyǵaıtý, áleýmettik-ekonomıkalyq jańǵyrý jáne halyqaralyq arenada el pozıtsııasyn kúsheıtý baǵyttarynda tańǵalarlyq tabysqa jetkenin atap ótti.
— Memleketterimiz arasyndaǵy san qyrly yntymaqtastyqty jańa deńgeıge kóterý maqsatynda qazaq-túrikmen strategııalyq seriktestigine qosqan úlesińizdi joǵary baǵalaımyz, — dep jazdy Qazaqstan Prezıdenti.
Memleket basshysy Túrikmenstan Prezıdentine sarqylmas kúsh-qýat jáne baýyrlas túrikmen halqynyń ıgiligi jolynda atqaratyn jaýapty qyzmetine tolaıym tabys tiledi.
Buǵan deıin Memleket basshysy sheıh Muhammed ben Rashıd Ál Maktýmǵa kóńil aıtqan edi.
