Toqaev Serbııanyń qorǵanys ónerkásibi ónimderiniń kórmesine bardy
BELGRAD. KAZINFORM — Qasym-Jomart Toqaev Serbııa Prezıdenti Aleksandr Výchıchpen birge Belgrad mańyndaǵy «Bataınıtsa» aerodromyna qoıylǵan áskerı-ónerkásip kesheni kásiporyndarynyń kórmesin aralady. Bul týraly Aqordanyń baspasóz qyzmeti málim etti.
Serbııa — áskerı maqsattaǵy taýarlardyń eksporty boıynsha aımaqtaǵy kóshbasshy el.
Qazir Serbııanyń qorǵanys ónerkásibi ónimderi álemniń 70 memleketine, sonyń ishinde BAÁ, Saýd Arabııasy, AQSh, Bolgarııa, Indonezııa sııaqty elderge jetkiziledi.
Kórmede qurlyq áskeriniń jaýyngerlik tehnıkalarynyń, serbııalyq qarý-jaraqpen jabdyqtalǵan tikushaqtardyń, áýe qorǵanysy júıeleriniń, atys qarýlarynyń, artıllerııalyq jáne basqa da oq-dárilerdiń, mınalar men mınometterdiń úlgileri usynylǵan.
Serbııanyń osy baǵyttaǵy mol tájirıbesi Qazaqstannyń qorǵanys áleýetin nyǵaıtýǵa yqpal ete alady.
Eske salsaq, buǵan deıin Memleket basshysy Serbııa Premer-mınıstrimen kezdesken edi.
Sonymen qatar, Prezıdenttiń Serbııaǵa resmı sapary aıasynda 10 qujatqa qol qoıylǵany habarlandy.
