Toqaev saılaýdy ashyq ári teń jaǵdaıda ótkizýdi tapsyrdy
ASTANA. KAZINFORM — Qasym-Jomart Toqaev Ortalyq saılaý komıssııasynyń tóraǵasy Nurlan Ábdirovti qabyldady, dep habarlaıdy Aqordanyń baspasóz qyzmeti.
Memleket basshysyna bıyl 23 tamyz kúni ótetin Qazaqstan Respýblıkasy Quryltaıy depýtattarynyń saılaýyna daıyndyq barysy týraly málimet berildi.
Prezıdent bul saılaý naýqanynyń tarıhı sıpaty men qoǵamdyq-saıası mańyzy aıryqsha ekenin atap ótti.
— Qasym-Jomart Toqaev saılaýdy «Zań men tártip» qaǵıdaty negizinde ashyq ári barlyq qatysýshyǵa teń jaǵdaı jasaý arqyly ótkizý qajettigine basa nazar aýdardy, — delingen habarlamada.
Buǵan deıin saıası partııa ókilderiniń komandalyq teledebaty qalaı ótkenin jazǵan edik.
