Toqaev Sankt-Peterbýrg metrosynda qaza tapqandardyń otbasyna kóńil aıtty
ASTANA. QazAqparat - Senat spıkeri Qasym-Jomart Toqaev Sankt-Peterbýrg metropolıtenindegi jarylystyń saldarynan qurban bolǵandardyń otbasyna kóńil aıtty, dep habarlaıdy «QazAqparat».
«Sankt-Peterbýrg metrosyndaǵy jarylys saldarynan qaza tapqandar men zardap shegýshilerdiń otbasylaryna qaıǵyryp, kóńil aıtamyn. Zorlyq-zombylyqtyń eń jıirkenishti áreketi!», - dep jazdy ol tvıtterde.
Eske sala keteıik, búgin Sankt-Peterbýrg metrosynda jarylys bolyp, kýágerlerdiń aqparaty boıynsha, 10 adam kóz jumdy. Reseıdegi QR Elshiligi habarlaǵandaı, Sankt-Peterbýrgtaǵy metroda bolǵan jarylys saldarynan qaza tapqandar men zardap shegýshilerdiń arasynda Qazaqstan azamattarynyń bar-joǵy týraly aqparatty tekserilýde, jedel jeli ashyq.
