Toqaev Saǵymbaevty UQK basshysy qyzmetinen ne sebepti bosatty

ASTANA. KAZINFORM — Memleket basshysy Qasym-Jomart Toqaev Ermek Saǵymbaevty basqa jumysqa aýysýyna baılanysty Ulttyq qaýipsizdik komıtetiniń tóraǵasy qyzmetinen bosatý týraly sheshim qabyldady.

Prezıdent Ermek Saǵymbaevty UQK basshysy qyzmetinen ne sebepti bosatty
Foto: Aqorda

Bul jóninde QR Prezıdentiniń keńesshisi — baspasóz hatshysy Aıbek Smadııarov málimdedi.

Onyń málimdeýinshe, bul sheshim arnaýly qyzmetti reformalaý mindetin tabysty oryndaý maqsatynda basshylyq quramdaǵy kadrlyq rotatsııa qajettiligin eskere otyryp qabyldandy.

Ermek Saǵymbaevty qyzmetinen bosatý týraly sheshim qabyldaǵan kezde Memleket basshysy sybaılas jemqorlyq oqıǵasyna qatysy bar tulǵalardyń ustalýyn da nazarǵa alǵan. Prezıdenttiń pikirinshe, quqyq qorǵaý organdary birqatar olqylyqqa jol bergen. Osyǵan baılanysty Іshki ister mınıstri Erjan Sádenovke de tártiptik jaza jarııalandy.

Sol kúni Memleket basshysy Іshki ister mınıstrliginiń basshylyq quramymen jumys keńesin ótkizdi. Prezıdent mınıstrlikke «Zań jáne tártip» qaǵıdatyna sáıkes qoǵamdyq tártipti qamtamasyz etý mindetterin oryndaý kezinde qyzmettik tártipti nyǵaıtyp, polıtsııa qyzmetkerleriniń kásibı daıarlyq deńgeıin arttyrýdy tapsyrdy.

Sondaı-aq, Іshki ister mınıstri Erjan Sádenovke polıtsııanyń qatardaǵy qyzmetkerleri men ofıtserlik quram arasynda tárbıe jumysyn kúsheıtý qajettigi eskertildi.

Aıta keteıik, buǵan deıin Prezıdent UQK-niń jańa tóraǵasyna birqatar tapsyrma bergenin jazǵanbyz.