Toqaev sabyr saqtap, qoǵamdyq tártipti qamtamasyz etýge kúsh salǵan el azamattaryna alǵys bildirdi
NUR-SULTAN. QazAqparat – Memleket basshysy Qasym-Jomart Toqaev sabyr saqtap, turaqtylyq pen qoǵamdyq tártipti qamtamasyz etýge kúsh salǵan el turǵyndaryna rızashylyq bildirdi, dep habarlaıdy QazAqparat tilshisi.
« Qadirli otandastarym, men sizderdi maqtan tutamyn. Osy kúnderi sabyr saqtap, turaqtylyq pen qoǵamdyq tártipti qamtamasyz etýge kúsh salǵan Qazaqstan azamattaryna alǵys bildiremin. Arandatý men destrýktıvti urandarǵa qaramastan zańǵa jáne óz elderińizge degen adaldyqty saqtap qaldyńyzdar. Іri qalalardaǵy stýdentterge, eńbek ujymdarynyń múshelerine, ónerkásip jáne aýyl sharýashylyǵynyń jumysshylaryna azamattyq ustanymdaryńyz úshin alǵys aıtamyn. Narazylyqtyń beıbit tártibin saqtaǵany úshin óńir turǵyndaryna rızashylyǵymdy bildiremin », - dep atap ótti Qasym-Jomart Toqaev Qazaqstan halqyna úndeýin .
Memleket basshysy beıbit sherýde qoıylǵan talaptardyń bári eskeriletinin basa aıtty.
«Dıalogtyń nátıjesinde kompromıske kelip, ótkir áleýmettik-ekonomıkalyq máseleler boıynsha sheshimder qabyldandy», - dedi Qasym-Jomart Toqaev.
