Toqaev Respýblıka kúni týraly: Bul – bostandyq úshin kúresken babalar armany aqıqatqa aınalǵan kún

ASTANA. QazAqparat - QR Prezıdenti Qasym-Jomart Toqaev Respýblıka kúnimen quttyqtady, dep habarlaıdy Aqorda.

«Barshańyzdy elimizdegi eń ulyq mereke – Respýblıka kúnimen quttyqtaımyn! Bul – qazaqtyń san ǵasyrlyq memlekettilik dástúri jańǵyrǵan kún. Bul – bostandyq úshin kúresken babalar armany aqıqatqa aınalǵan kún. 1990 jyly 25 qazanda Qazaqstannyń egemendigi týraly deklaratsııa qabyldandy. Bul qujat táýelsizdigimizdiń saıası-quqyqtyq negizin qalyptastyrdy. Bir sózben aıtsaq, Deklaratsııa – elimizdiń táýelsizdik alýyna jol ashqan aqjoltaı qujat», - dedi QR Prezıdenti Respýblıka kúnine oraı memlekettik nagradalar men syılyqtar tapsyrýǵa arnalǵan saltanatty rásim kezinde.