Toqaev: Reseı elshisine jasalǵan qastandyq - zardaby aýyr oqıǵa
ASTANA. QazAqparat - QR Parlamenti Senatynyń tóraǵasy Qasym-Jomart Toqaev Ankaradaǵy Reseı elshisiniń opat bolýyn zardaby aýyr oqıǵa dep atady.
«Túrkııadaǵy Reseı elshisin óltirý - Sırııadaǵy jaǵdaıdy turaqtandyrýǵa kedergi jasaýǵa baǵyttalǵan terakt, zardaby aýyr oqıǵa», - dep jazdy ol óziniń tvıtterdegi paraqshasyna.
Budan buryn QR Syrtqy ister mınıstrligi Túrkııada Reseı Elshisi Andreı Karlovqa shabýyl jasalýyna baılanysty málimdeme jasaǵan bolatyn.
Eske sala ketsek, túrik elinde fotokórmeniń ashylý saltanatynda quttyqtaý sóz sóılep turǵan RF Elshisi Andreı Karlovqa qarýly shabýyl jasalyp, ol aýrýhanada kóz jumdy.
