Toqaev Qarmet jumysyna baǵa berdi
ASTANA. KAZINFORM — Prezıdent «Qarmet» AQ basshylyǵymen áńgimelesý barysynda metallýrgter qalasyndaǵy tramvaı qatynasyn qalpyna keltirýdiń mańyzyn atap ótti. Bul týraly Aqorda málim etti.
– Shyn máninde, Temirtaý úshin tramvaı – zamanalardy baılanystyratyn dáneker ispettes. Turǵyndardyń tramvaı qatynasyn qalpyna keltirý týraly talabyn oryndaǵanyńyz durys bolypty. Kombınatqa alǵash kelgenińizde Temirtaý qalasyn abattandyrýmen mindetti túrde aınalysý qajet dep aıtqan edim. Óıtkeni qala kútim kórmeı, tozyp ketti. Áli de atqarylatyn jumys kóp, degenmen bastamasy jaqsy. Temirtaý turǵyndary tabıǵı gazben qamtamasyz etildi. Baıqaýymsha, halyqtyń kóńil-kúıi kóterińki. Óıtkeni adamdar aınaladaǵy oń ózgeristerdi baıqap, alǵystaryn bildirýde. Eńbek ujymynyń da kóńil-kúıi aıtarlyqtaı jaqsarǵany baıqalady. Eń bastysy, jaǵymdy úderis bar. Biz kombınatty mindetti túrde progress pen tabystyń sımvolyna aınaldyramyz, tipti ony órkendetemiz, – dedi Qasym-Jomart Toqaev.
