Prezıdent Pýtındi Memlekettik Dýma saılaýynyń ótýimen quttyqtady
ASTANA. KAZINFORM — Memleket basshysy Reseı Prezıdenti Vladımır Pýtınge quttyqtaý jedelhatyn joldady. Prezıdent Reseı Federatsııasynyń Prezıdenti Vladımır Pýtındi toǵyzynshy shaqyrylymdaǵy Memlekettik Dýma saılaýynyń tabysty ótýimen quttyqtady. Bul týraly Aqorda málim etti.
Memleket basshysy atalǵan saılaý Reseıdiń qoǵamdyq-saıası ómirindegi mańyzdy oqıǵa ekenin, al daýys berý nátıjesi Reseıdiń uzaqmerzimdi múddesin qorǵaýǵa baǵyttalǵan Vladımır Pýtınniń strategııalyq baǵdaryn halyq keńinen qoldaıtynyna aıqyn dálel bolǵanyn atap ótken.
— Saılanǵan Memlekettik Dýma depýtattary azamattardyń ál-aýqatyn kóterý jáne Reseıdiń álemdik derjava retindegi áleýetin nyǵaıtý maqsatynda tıimdi sharalar men sheshimder qabyldaıtynyna kúmán joq, — delingen quttyqtaýda.
Jedelhatta Qazaqstan-Reseı odaqtastyq qarym-qatynasynyń mańyzdy bóligi retinde parlamentaralyq yqpaldastyqqa aıryqsha nazar aýdarylǵan.
Qazaqstan Prezıdenti Quryltaı depýtattary men Reseı parlamentarııleri eki el arasyndaǵy san qyrly yntymaqtastyq pen strategııalyq seriktestikti odan ári damytý úshin birlesken jumysty belsendi jalǵastyratynyna senim bildirdi.
Qasym-Jomart Toqaev Vladımır Pýtınniń Reseı Federatsııasynyń órkendeýi jolyndaǵy memlekettik qyzmetine tolaıym tabys tiledi.
Buǵan deıin Prezıdent Úndistannyń Premer-mınıstri Narendra Modıdiń týǵan kúnine oraı quttyqtaý jedelhatyn joldaǵan bolatyn.
