Toqaev: Prezıdent – jaldamaly menedjer
ALMATY. QazAqparat – Prezıdent – jaldamaly menedjer, halyq onymen belgili bir merzimge kelisimshart jasaıdy. Bul týraly Memleket basshysy Qasym-Jomart Toqaev Almaty qalasynyń jurtshylyǵymen kezdesýinde aıtty, dep habarlaıdy QazAqparat Aqordaǵa silteme jasap.
«Meniń túsinigimde, Prezıdent – jaldamaly menedjer, halyq onymen belgili bir merzimge kelisimshart jasaıdy. Azamattardyń erkin tańdaýynyń nátıjesinde eldegi eń joǵary memlekettik laýazymǵa ıe bolǵan adam mıllıondaǵan otandastarynyń daýysymen bekitilgen kelisimshartqa qol qoıady.
Sondyqtan, Prezıdenttiń laýazymy – artyqshylyqtan buryn zor jaýapkershilik. Bul qyzmetti atqarǵan jáne atqaratyn árbir adam eń qatal úsh sottyń – halyqtyń, tarıhtyń jáne óz ar-ujdanynyń aldynda jaýap beredi.
Senim – eldiń ıgiligi men damýyna, halyqtyń yntymaǵyna negiz bolatyn qasterli uǵym», - dedi Prezıdent.
Foto:t.me/bort_01
