Toqaev Prezıdent bolǵan 3 jylda saıası reformalar negizgi basymdyqqa aınaldy – Máýlen Áshimbaev
«Búgin Prezıdent Qasym-Jomart Toqaevtyń saılanǵanyna úsh jyl toldy. Osy úsh jylda kóptegen jumys atqaryldy dep aýyz toltyryp aıta alamyz. Eń bastysy – bizdiń ekonomıkamyzdy, saıası júıemizdi, áleýmettik júıemizdi reformalaýǵa arnalǵan naqty sharalar júzege asyrylýda. Buǵan deıin ózderińiz bilesizder, «Aldymen ekonomıka, sodan keıin saıasat» degen prıntsıppen júrip keldik. Biraq qazir zaman basqa, ýaqyt basqa. Sondyqtan, saıası reformalardy júrgizý negizgi basymdyqqa aınaldy jáne osy baǵyttarda kóptegen jumystar júzege asyrylǵanyn bilesizder. 5 maýsymda referendým ótti, onda halqymyzdyń kópshiligi usynylǵan saıası reformalardy qoldap, soǵan daýys berdi», - dedi M. Áshimbaev Senat otyrysynan keıin tilshilerge bergen suhbatynda.
Senat tóraǵasynyń aıtýynsha, depýtattardyń endigi mańyzdy maqsaty – osy konstıtýtsııalyq ózgeristerden týyndaıtyn zańdardy sozbaı qabyldaý.
«Jalpy osy Prezıdentimizdiń úsh jylynda kóptegen jumystar jasaldy. Ásirese, saıası reformalaryn erekshe atap ótýge bolady», - dedi Máýlen Áshimbaev.
Buǵan deıin Máýlen Áshimbaev Tuńǵysh Prezıdent Nursultan Nazarbaevtyń qazirgi saıasattaǵy róli týraly suraqtarǵa jaýap bergen edi.
