Toqaev pen Volodın parlamentaralyq yntymaqtastyqty talqylady
ASTANA. QazAqparat - Parlament Senatynyń Tóraǵasy Qasym-Jomart Toqaev Reseı Federatsııasy Memlekettik Dýmanyń Tóraǵasy Vıacheslav Volodınmen kezdesti.
Q.Toqaev reseılik depýtattardy Konstıtýtsııa kúnimen quttyqtady jáne óz elderindegi parlamenttik saılaýdyń tabysty ótýimen quttyqtady. Tóraǵa reseılik parlamenttiń qazirgi quramy Reseı Federatsııasynyń ekonomıkalyq áleýeti men onyń halyqaralyq ornyn nyǵaıtý jónindegi barlyq mindetterdi nátıjeli atqaratynyna senim bildirdi. Qazaqstan táýelsizdiginiń 25 jyldyǵy aıasynda Q.Toqaev eki memleket te osy qysqa merzimde júz jylǵa tatıtyn joldan ótkenin atap ótti.
«Memleket basshylarynyń kúsh-jigeri arqasynda Qazaqstan men Reseı arasyndaǵy yntymaqtastyq strategııalyq áriptestik pen odaqtastyq qatynastar satysyna shyqty», - dedi ol.
Q.Toqaev ekijaqty yntymaqtastyqtaǵy, onyń ishinde memleketaralyq mańyzdy qujattardy ýaqytynda ratıfıkatsııalaý arqyly oń ózgeristerge Qazaqstan men Reseı parlamentteriniń zor rólin atap ótti. Tóraǵa Qazaqstan men Reseıdiń parlamentaralyq dıalogyn odan ári nyǵaıtýdy, ásirese, dúnıe júzindegi parlamentarızmniń róli artyp kele jatqanda ýaqyttyń ózi talap etip otyrǵanyn aıtty.
Q.Toqaevtyń aıtqandarymen kelise otyryp, V.Volodın qazaqstandyq depýtattardy bizdiń elimizdiń táýelsizdiginiń 25 jyldyǵymen quttyqtady: «Bizdiń parlamenttik qatynastardyń erekshe sıpaty eskerile otyryp, odan ári damı beredi. Bul Qazaqstan men Reseı arasyndaǵy strategııalyq áriptestik qatynastardy pash etedi», -dedi.
