Toqaev pen Stıven Shvartsman ınvestıtsııalyq yntymaqtastyqtyń basym baǵyttaryn talqylady
NЬıÝ-IORK. KAZINFORM — Prezıdent Blackstone kompanııasynyń negizin qalaýshylardyń biri jáne basqarma tóraǵasy Stıven Shvartsmanmen kezdesti. Bul týraly Aqordanyń baspasóz qyzmeti habarlady.
Qasym-Jomart Toqaev pen Stıven Shvartsman ózara tıimdi ınvestıtsııalyq yntymaqtastyqtyń basym baǵyttaryn talqylady.
Qazaqstan Prezıdentiniń aıtýynsha, Blackstone kompanııasynyń ınfraqurylym men tehnologııany damytýǵa arnalǵan aýqymdy ınvestıtsııalaý strategııasy elimizdiń ekonomıkany ártaraptandyrý, ınnovatsııa men ornyqty damý salalaryndaǵy ulttyq basymdyqtarymen tyǵyz baılanysty.
Memleket basshysy Qazaqstandy tolyq tsıfrlyq elge aınaldyrý jóninde strategııalyq mindet qoıǵanyna egjeı-tegjeıli toqtaldy.
Blackstone kompanııasynyń basshysymen áńgimelesý barysynda Qazaqstanda data ortalyq qurylysy jobasyn birlesip iske asyrý usynyldy. Sondaı-aq elimizdegi qarjy tehnologııalary men jyldam órkendep kele jatqan kompanııalar arqyly aktıvterdi basqarý salasyndaǵy yntymaqtastyq áleýetin qarastyrýǵa nazar aýdaryldy.
Blackstone – naryqtyq kapıtaly 218 mıllıard dollardan asatyn álemdegi iri ınvestıtsııalyq kompanııa.
Aıta ketelik Prezıdent AQSh Saýda mınıstrimen kezdesken edi.