Terrorızm - halyqaralyq jáne óńirlik qaýipsizdikke tóngen zor qaýip – QR Prezıdenti
ASTANA. KAZINFORM - Memleket basshysy Reseı Prezıdentimen telefon arqyly sóılesti, dep habarlaıdy Aqordanyń baspasóz qyzmeti.
Áńgimelesý barysynda Qasym-Jomart Toqaev Daǵystanda bolǵan lańkestik áreket saldarynan kóptegen adamnyń qaza tabýyna baılanysty Prezıdent Vladımır Pýtınge jáne Reseı halqyna kóńil aıtty.
Memleket basshysy beıbit turǵyndardyń ómirine jasalǵan kez kelgen qastandyq pen zulymdyq áreketti Qazaqstan batyl aıyptaıtynyn ári ony halyqaralyq jáne óńirlik qaýipsizdikke tóngen zor qaýip retinde qarastyratynyn jetkizdi.
Taraptar terrorızm men ekstremızmge qarsy kúreste tyǵyz yqpaldastyqty jalǵastyrý, sondaı-aq bedeldi halyqaralyq uıymdar aıasynda kúsh-jiger biriktirý mańyzdy ekenine nazar aýdardy.
Budan bólek, prezıdentter Qazaqstan men Reseı arasyndaǵy strategııalyq seriktestik pen odaqtastyq qatynastardy odan ári nyǵaıtý máseleleri jóninde pikir almasty, sondaı-aq Astanada ótetin Shanhaı yntymaqtastyq uıymy sammıtiniń kún tártibin talqylady.
