Toqaev pen Pýtın Smart Cargo jáne AI Jol tsıfrlyq jobalarymen tanysty
ASTANA. KAZINFORM — Qazaqstan men Reseı prezıdentterine saýda jáne logıstıka salasyndaǵy tsıfrlyq jobalar tanystyryldy. Bul týraly Aqorda málim etti.
HHІІ Qazaqstan – Reseı óńiraralyq yntymaqtastyq forýmy aıasynda Qasym-Jomart Toqaev pen Vladımır Pýtınge taýar aınalymynyń ashyqtyǵyn qamtamasyz etýge, tasymaldaý úderisin tsıfrlandyrýǵa jáne avtokólik tasymalynyń qaýipsizdigin arttyrýǵa baǵyttalǵan jobalar tanystyryldy.
Atap aıtqanda, prezıdentterge taýar aınalymy men ónimniń shyǵarylǵan jerin rastaýǵa múmkindik beretin taýarlardy tsıfrlyq tańbalaý júıesi, tasymaldaý úderisine qatysýshylarǵa arnalǵan Smart Cargo biryńǵaı tsıfrlyq platformasy, jasandy ıntellekt kómegimen kólik aǵynyna úzdiksiz taldaý júrgizetin AI Jol biryńǵaı tsıfrlyq jobasy týraly málimetter berildi.
Qazaqstan Respýblıkasy Premer-mınıstriniń orynbasary – Jasandy ıntellekt jáne tsıfrlyq damý mınıstri Jaslan Mádıev pen Reseı Federatsııasy Úkimeti tóraǵasynyń orynbasary Alekseı Overchýk syrtqy saýdanyń tıimdiligin arttyrý jáne kólik-logıstıka ınfraqurylymyn ilgeriletý baǵytynda atqarylyp jatqan jumystar jóninde baıandady. Sonymen qatar memleketter basshylaryna temirjol, avtokólik jáne avıa baılanystaryn damytý úshin qolǵa alynǵan birlesken sharalar men shekaradaǵy kólik ótkizý pýnktterin qos taraptan birdeı jańǵyrtý perspektıvasy týraly málimet berildi.
Aıta keteıik, Prezıdent Qazaqstan–Reseı óńiraralyq yntymaqtastyq forýmyna qatysý úshin Ombyǵa bardy.
